"ད་ལྟ་མི་རབས་གསར་བའི་འགོ་ཁྲིད་རྣམས་ཀྱིས་འཐབ་རྩོད་ཀྱི་སྒྲོན་མེ་མུ་མཐུད་འཁྱེར་བཞིན་པའི་སྐབས་འདིར་མི་མང་པོས་མ་འོངས་བོད་ཀྱི་འཐབ་རྩོད་དེ་ཇི་འདྲ་ཞིག་ཏུ་འགྱུར་རམ་ཞེས་དྲི་བ་འདོན་སྲིད་མོད། ང་ཚོས་༧གོང་ས་༧སྐྱབས་མགོན་ཆེན་པོ་མཆོག་ལ་ཁས་ལེན་དམ་བཅའ་ཕུལ་ཐུབ་པ་ཞིག་ནི། ཁོང་གི་འཚེ་མེད་ཞི་བའི་གཟི་བརྗིད་དེ་ང་ཚོས་མུ་མཐུད་དུ་ཉར་རྒྱུའི་ཆོད་སེམས་བརྟན་པོ་ཡོད་། དམ་བཅའ་འདི་བརྒྱུད་ནས། ང་ཚོས་༧གོང་ས་མཆོག་གིས་སྐུ་ཚེ་གང་བོར་ང་ཚོར་བསྟན་གནང་བའི་གཞི་རྩའི་བསླབ་བྱ་དང་འཇིག་རྟེན་ཀུན་ཁྱབ་ཀྱི་ཡོན་ཏན་རྣམས་གཞི་རྩར་བཞག་ནས། བོད་མི་མང་པོའི་སེམས་ཁོངས་སུ་འགྱུར་བ་མེད་ཅིང་འགུལ་མི་ཚུགས་པའི་འཚེ་མེད་ཞི་བའི་ཐབས་ལམ་ལ་ཡིད་ཆེས་ཡོད་པ་སྟོན་འདོད། བོད་ལ་རྒྱ་ནག་གི་བཙན་གནོན་འོག་ནས་རང་དབང་འཐོབ་པ་དང་མ་འོངས་པར་དམངས་གཙོའི་བོད་ཞིག་འཛུགས་བསྐྲུན་བྱེད་ཆེད། ང་ཚོས་ནུས་ཤུགས་ལྡན་ཞིང་གསར་གཏོད་རང་བཞིན་ཅན་གྱི་ཞི་བའི་ཐབས་ལམ་གྱི་ནུས་སྟོབས་ལ་ཡིད་ཆེས་ཞུ་བཞིན་ཡོད།"