དྲི་བ་དྲི་ལན།

དམ་བཅའ་འདིའི་དམིགས་ཡུལ་ཅི་ཞིག་ཡིན་ནམ།

ལོ་རྒྱུས་རང་བཞིན་གྱི་དུས་ཚོད་གནད་འགག་ཅན་འདིར། ༧སྐྱབས་མགོན་རིན་པོ་ཆེ་དགུང་གྲངས་བརྒྱད་ཅུར་ཕེབས་ཀྱི་ཡོད་ཅིང་། མི་མང་པོ་ཞིག་གིས་མ་འོངས་པའི་བོད་ཀྱི་འཐབ་རྩོད་ལ་སེམས་འཚབ་དང་དྲག་པོའི་ངོ་རྒོལ་ཡོང་སྲིད་པའི་ཚོད་དཔག་སོགས་བྱེད་ཀྱི་ཡོད་མོད། ང་ཚོས་བོད་མི་རྣམས་དང་བོད་དོན་རྒྱབ་སྐྱོར་བ་རྣམས་ལ་༧སྐྱབས་མགོན་རིན་པོ་ཆེ་ཡིས་སྐུ་ཚེ་གང་བོར་གཞི་བཏིང་བའི་རླབས་ཆེ་བའི་ལམ་ཁ་དེར་མུ་མཐུད་དུ་བསྐྱོད་པའི་ཆོད་སེམས་བརྟན་པོ་ཡོད་པ་དེ་གསལ་བོར་བཟོ་བ་རྒྱུ་དང་། དམ་བཅའ་འདི་བརྒྱུད་ནས། མི་སྒེར་རྣམས་ཀྱིས་དྲག་པོ་སྤོང་བ་གཅིག་པོའི་དམ་བཅའ་མ་ཡིན་པར། འཚེ་མེད་ཞི་བའི་ཐབས་ལམ་ཉམས་སུ་བླངས་ནས་བོད་ལ་གཞན་གྱི་བཙན་གནོན་འོག་ནས་རང་དབང་འཐོབ་པར་བྱེད་རྒྱུ་དེ་རེད། དམ་བཅའ་ལེན་མཁན་རྣམས་ཀྱིས་ནུས་ཤུགས་ཅན་དང་གསར་གཏོད་ཅན། རྒྱབ་སྐྱོར་ཡོད་པའི་ཞི་བའི་འཐབ་རྩོད་ཁག་ཡར་རྒྱས་དང་མདུན་ལ་བསྐྱོད་རྒྱུའི་ཆོད་སེམས་འཇོག དེ་ཡང་། ཞི་བ་ཡིན་པ་ཙམ་གྱིས་མི་འགྲིག་པར། ང་ཚོས་ཞི་བའི་འཐབ་རྩོད་དེ་གསར་གཏོད་རང་བཞིན་དང་ཐབས་ཇུས་རང་བཞིན། སྟངས་འཛིན་གྱི་རང་བཞིན་ཡོད་པ་བཅས་བྱེད་དགོས་གལ་ཆེ། འདིའི་སྐོར་ལ་ད་དུང་མཁྱེན་འདོད་དང་ས་གནས་མི་དམངས་དང་མཉམ་ཞུགས་བྱེད་འདོད་ཚེ། དྲྭ་ཐག་འདི་ལ་བསྣུན།

བོད་མི་རྣམས་ལ་མཚོན་ཆ་ཐོགས་ནས་རང་ཉིད་སྲུང་སྐྱོབ་བྱེད་རྒྱུའི་ཐོབ་ཐང་མེད་དམ།

རྒྱལ་སྤྱིའི་ཆབ་སྲིད་ཀྱི་ངོས་ཐད་ནས་བལྟས་ན། བོད་མི་རྣམས་ལ་རྒྱ་ནག་གི་དྲག་གནོན་ལ་ཁ་གཏད་དང་རང་ཉིད་སྲུང་སྐྱོབ་བྱེད་རྒྱུའི་ཐོབ་ཐང་ཆ་ཚང་ཡོད་པ་རེད་། འོན་ཀྱང་བོད་མི་རྣམས་ལ་དྲག་པོ་བེད་སྤྱོད་གཏོང་བའི་ཐོབ་ཐང་ཡོད་མེད་དང་དེ་འགྲིག་མིན་གླེང་གི་མེད། གང་ལྟར། བོད་མི་མང་ཆེ་བས་ཀུན་སྤྱོད་དང་ལག་ལེན་གྱི་རྒྱུ་མཚན་གཉིས་གཙོ་བོར་བཞག་ནས་དྲག་པོ་སྤངས་ཡོད་ལ། བཙོན་ལ་ཚུད་པའི་བོད་ཀྱི་རྩོམ་པ་པོ་སྐལ་བཟང་ཚུལ་ཁྲིམས་སྟེ། རྒྱ་ནག་གཞུང་གི་གཉའ་གནོན་ལ་རྩོམ་བྲིས་ལམ་ནས་ངོ་རྒོལ་བྱེད་མཁན་ཁོང་གིས་འདི་ལྟར་གསལ་བོ་གསུངས་ཡོད། “ང་ཚོས་དྲག་པོའི་ལས་འགུལ་སྤེལ་མ་ཐུབ་པའམ་ཡང་ན་དེ་སྤེལ་བའི་ནུས་བ་མེད་པ་མིན། བོད་མི་མང་པོས་བོད་དོན་ཆེད་རང་སྲོག་བློས་གཏོང་བྱས་ཡོད་། དེར་བརྟེན། ང་ཚོ་དྲག་པོའི་ལམ་ལ་འཇུག་པའི་བློ་སྤོབས་དང་ཐབས་ཤེས་མེད་པ་མིན། ཡིན་ན་ཡང་། ༧སྐྱབས་མགོན་རིན་པོ་ཆེའི་དབུ་འཁྲིད་ཀྱི་འོག་ཏུ། ང་ཚོས་ཞི་བའི་ལམ་ནས་རང་གི་དྲང་བདེན་ལ་འཐབ་རྩོད་བྱེད་ཀྱི་ཡོད། (ང་ཚོས་ནམ་ཡང་འཛམ་གླིང་གི་ཡུལ་ལུང་གཞན་ལ་འབྱུང་བཞིན་པའི་འཇིགས་སྐུལ་བའི་ལས་ཀ་བྱེད་མི་སྲིད། ང་ཚོར་དམར་གསོད་བཏང་ཟིན་པའི་བོད་མི་ཁྲི་ཕྲག་བརྒལ་བ་ཚོར་དགྲ་ཤ་ལེན་དགོས་བསམ་པ་དེ་ཡང་མེད།)”

http://burningtibet.blogspot.com/2010/09/i-will-not-close-my-eyes-even-in-death.html

བོད་ནང་ན་དངོས་སུ་འཐབ་རྩོད་བྱེད་བཞིན་མེད་དམ། གལ་སྲིད་བཙན་བྱོལ་ནང་གི་བོད་མི་རྣམས་ཞི་བའི་ལམ་ལ་བསྐྱོད་པ་ཡིན་ན་དེས་ཁྱད་པར་ཅི་ཞིག་འཇོག་གམ།

བོད་དོན་འཐབ་རྩོད་དེ་འཛམ་གླིང་གི་ཡུལ་གྲུ་ཀུན་ནས་རྩོད་དགོས་པ་ཞིག་རེད། བོད་ནང་འཐབ་རྩོད་ལ་བཀག་རྒྱ་དང་སྟངས་འཛིན་ཡོད་པའི་སྐབས་སུ། བཙན་བྱོལ་བོད་མི་རྣམས་དང་བོད་དོན་རྒྱབ་སྐྱོར་བ་རྣམས་ནས་རྒྱ་ནག་གཞུང་གིས་བོད་ཐོག་ལ་བཟུང་བའི་ཁྱོག་བཤད་དྲིལ་བསྒྲགས་ཁག་ལ་ཁ་གཏད་གཅོག་པའི་འོས་འགན་ཆེན་པོ་ཡོད་པ་མ་ཟད། རྒྱ་ནག་གཞུང་ལ་གནོན་ཤུགས་སྤྲད་ནས་བོད་མིའི་གཞི་རྩའི་ཐོབ་ཐང་དང་རང་ཐག་རང་གཅོད་ཀྱི་ཐོབ་ཐང་སོགས་ལ་རྒྱལ་སྤྱིའི་རྒྱབ་སྐྱོར་བསྐྲུན་རྒྱུའི་ལས་འགན་ཡང་ཡོད་པ་རེད། དེ་བཞིན། བཙན་བྱོལ་ནང་གི་བོད་མི་ཚོས་བོད་ནང་གི་བོད་མི་རྣམས་ནི་སེམས་ཤུགས་དང་ཁ་ཕྱོགས་ལྟ་བུར་མཐོང་གི་ཡོད་ལ། བོད་ནང་གི་བོད་མི་རྣམས་ཀྱིས་ཀྱང་བཙན་བྱོལ་ནང་གི་བོད་མི་རྣམས་ནི་གནས་ཚུལ་དང་འཆར་གཞི། སེམས་ཤུགས་བཅས་ལྟ་བུར་མཐོང་གི་ཡོད། ང་ཚོ་ནི་འཐབ་རྩོད་གཅིག་གི་ཕྱོགས་གཉིས་དེ་ཡིན་ཞིང་མུ་མཐུད་ནས་ཕན་ཚུན་ལ་བརྡ་ལེན་སྤྲོད་ཀྱི་ཡོད། ང་ཚོས་བོད་ནང་གི་བོད་མི་རྣམས་ཀྱི་ས་ནས་ཞི་བའི་ལམ་ལ་མུ་མཐུད་དུ་བསྐྱོད་དགོས་བའི་ཤེས་རྟོགས་གསལ་པོ་བྱུང་པ་བཞིན། ང་ཚོས་ཁོང་ཚོའི་འབོད་སྒྲ་དེ་ཤུགས་ཆེ་རུ་དང་རྒྱ་ཆེ་རུ་གཏོང་ཐུབ།

བོད་ཀྱི་འཐབ་རྩོད་དེ་ཞི་བའི་འཐབ་རྩོད་ཞིག་མ་རེད་དམ།

རེད། བོད་ཀྱི་འཐབ་རྩོད་དེ་ཞི་བའི་འཐབ་རྩོད་ཞིག་རེད། ཡིན་ན་ཡང་། འཚེ་བ་མེད་པར་བྱེད་པ་ཞེས་པ་དེ་དང་ཐབས་ཇུས་ལྡན་པ་དང་དམིགས་འདུན་ཡོད་པའི་ངང་ཞི་བའི་འཐབ་རྩོད་ཀྱི་ཆོད་སེམས་འཛིན་པ་གཉིས་མི་འདྲ་བ་རེད། ང་ཚོས་བོད་ནང་གི་བོད་མི་རྣམས་ཀྱི་རྗེས་སུ་འབྲངས་བཞིན་ཡོད་ལ། ཉེ་བའི་ལོ་འདི་དག་གི་རིང་ལ་ཁོང་ཚོས་ཞི་བའི་ཐབས་ལམ་གཞི་རྒྱ་ཆེ་བའི་སྒོ་ནས་ལག་ལེན་བྱེད་བཞིན་པ་མ་ཟད་། དྲག་པོའི་བྱེད་ལས་སྤོང་བའི་མཚོན་རྟགས་སུ་རང་གི་གོ་མཚོན་ཁག་ཀྱང་དགོན་སྡེ་ཁག་ལ་ཕུལ་བ་དང་མེར་སྲེག་པ་སོགས་བྱས་ཡོད། འདི་ནི་ཁོང་ཚོས་ཞི་བའི་འཐབ་རྩོད་ལ་ཆོད་སེམས་བརྟན་པོ་དང་༧སྐྱབས་མགོན་རིན་པོ་ཆེའི་དབུ་འཁྲིད་ལ་བརྩི་བཀུར་དང་དད་སེམས་ཀྱི་མཚོན་རྟགས་གལ་ཆེན་ཞིག་ལ་བརྩི་བཞིན་ཡོད།

https://www.savetibet.org/a-raging-storm-the-crackdown-on-tibetan-writers-and-artists-after-tibets-spring-2008-protests/

https://www.savetibet.org/a-raging-storm-the-crackdown-on-tibetan-writers-and-artists-after-tibets-spring-2008-protests/.

འཛམ་གླིང་གིས་ཞི་བའི་འཐབ་རྩོད་ལ་དོ་སྣང་སྤྲོད་ཀྱི་མི་འདུག ཞི་བའི་འཐབ་རྩོད་ལས་འཚེ་བ་ནུས་ཤུགས་ཆེ་བ་རེད་དམ།

སྤྱིར་བཏང་ནས་དྲག་པོའི་བྱ་སྤྱོད་ཁག་ལ་མི་དམངས་དང་གསར་འགྱུར་བརྒྱུད་ལམ་ཁག་གིས་དོ་སྣང་ཆེན་པོ་བྱེད་ཀྱི་ཡོད་མོད། དྲག་པོ་དེ་ནུས་ཤུགས་ཆེ་བ་རེད་བསམ་ན་ནོར་བ་རེད། Erica Chenoweth དང་Maria Stephan གཉིས་ཀྱིས་བརྩམས་པའི་ཞི་བའི་འཐབ་རྩོད་སྐོར་གྱི་དཔེ་དེབ་གྲགས་ཅན “ཅིའི་ཕྱིར་མི་དམངས་འགོག་རྒོལ་གྱིས་གྲུབ་འབྲས་ལོན་ནམ།” ཟེར་བ་དེས། ཞི་བའི་འཐབ་རྩོད་ཀྱི་ཐབས་ལམ་གལ་ཆེ་ཁག་ཅིག་ངོ་སྤྲོད་གནང་ཡོད་པ་མ་ཟད། ལྷག་པར་དུ། འདས་པའི་ལོ་ངོ་བརྒྱ་ལྷག་གི་རིང་ལ་ཞི་བའི་ལས་འགུལ་རིགས་འཚེ་བའི་ལས་འགུལ་ལས་ལྡབ་གཉིས་ཀྱིས་རྒྱལ་ཁ་མང་བ་འཐོབ་ཡོད་པའི་ཁུངས་སྐྱེལ་ར་སྤྲོད་བྱས་ཡོད། Erica Chenoweth དང་Maria Stephan གཉིས་ཀྱི་རྙེད་དོན་ཁག་གིས་འཚེ་མེད་ཞི་བའི་ལྟ་གྲུབ་སྨྲ་བ་ Dr. Gene Sharp ལགས་ཀྱིས་བྱ་བཞག་ཁག་ལ་ཡང་ནུས་པ་དང་རྒྱབ་སྐྱོར་སྟོན་ཡོད། Dr. Gene Sharp ལགས་ཀྱིས་ཞི་བའི་འགོག་རྒོལ་གྱི་ཐབས་ལམ་མང་པོ་བཏོན་ཡོད་པ་མ་ཟད་། ཁོང་གིས་ལྟ་གྲུབ་ཁག་འཛམ་གླིང་ཡུལ་གྲུ་མང་པོར་རྒྱ་ཁྱབ་ཏུ་བེད་སྤྱོད་བཏང་ནས་སྲིད་དབང་སྒེར་འཛིན་རིང་ལུགས་མགོ་རྟིང་བསློགས་པ་དང་རང་དབང་མངོན་འགྱུར་བྱུང་ཡོད། ཡིན་ན་ཡང་། ད་ལྟ་བར་བོད་ནང་དུ་གྲུབ་འབྲས་དང་རྒྱལ་ཁ་ཆེན་པོ་ཐོབ་པའི་འཚེ་མེད་ཞི་བའི་ལས་འགུལ་ཧ་ཅང་གཞི་རྒྱ་ཆེ་བ་དེ་འདྲ་བྱུང་ཐུབ་མེད།

ལས་འགུལ་འདི་ཁྲིད་འདི་ཡིས་བོད་ཀྱི་ལོ་རྒྱུས་ནང་གི་བཙན་རྒོལ་རྒྱལ་སྐྱོབ་ལ་ངོས་ལེན་མེད་པ་དང་སྣང་མེད་བྱས་པ་ལྟ་བུ་མཚོན་ནམ།

ལས་འགུལ་འདི་ཡིས་རྒྱ་ནག་གི་བཙན་འཛུལ་ལ་འགོག་རྒོལ་བྱས་བའི་བཙན་རྒོལ་རྒྱལ་སྐྱོབ་ཀྱི་བོད་ཀྱི་ལོ་རྒྱུས་དེ་དག་ངོས་ལེན་མེད་པའམ་སྣང་མེད་ལྟ་བུར་རྩ་བ་ནས་བརྩི་ཡི་མེད། ཆུ་བཞི་སྒང་དྲུག་གི་དཔའ་པོ་ཚོ་དང་གློ་སྒྲིག་འཛུགས་ཀྱིས་རྒྱ་ནག་གི་བཙན་འཛུལ་ལ་དཔའ་སྤོབས་ལྡན་པའི་སྒོ་ནས་ངོ་རྒོལ་བྱས་ཡོད་པ་མ་ཟད་བོད་དོན་འཐབ་རྩོད་ལ་ཡང་བླ་ན་མེད་པའི་ལེགས་སྐྱེས་ཕུལ་ཡོད་པ་ནི་ལོ་རྒྱུས་ཀྱི་རང་བཞིན་ཞིག་རེད། ང་ཚོས་ཁོང་ཚོའི་བྱས་རྗེས་ལ་གུས་བརྩི་ཞུ་བ་མ་ཟད་ཁོང་ཚོའི་འཐབ་རྩོད་ནི་བོད་ཀྱི་ལོ་རྒྱུས་ཀྱི་ལེའུ་གལ་ཆེན་ཞིག་ལ་བརྩི་བཞིན་ཡོད། གལ་སྲིད་ཁོང་ཚོས་དེ་ལྟ་བུའི་འཐབ་རྩོད་བྱས་མེད་ཚེ། གཅིག་བྱས་ན་ད་ལྟའི་འཆར་བོད་དོན་འཐབ་རྩོད་ཀྱི་གནས་བབས་དེ་འདི་འདྲ་ཞིག་ཆགས་ཡང་མེད་སྲིད།