བསྒྲགས་གཏམ།

༧གོང་ས་སྐུ་ཕྲེང་བཅུ་བཞི་པ་ཆེན་པོ་བསྟན་འཛིན་རྒྱ་མཚོ་མཆོག་དགུང་གྲངས་བརྒྱད་ཅུར་ཕེབས་པའི་བཀྲ་ཤིས་པའི་དུས་བཟང་གི་ཉིན་མོ་འདིར། འཚེ་མེད་ཞི་བའི་དམ་བཅའ་འདི་ཁོང་ལ་ལེགས་སྐྱེས་སུ་ཕུལ་རྒྱུ་ནི་ང་ཚོའི་སྔོན་བསགས་བསོད་ནམས་རེད། ང་ཚོས་འཛམ་གླིང་ཞི་བདེའི་དེད་དཔོན་དང་བོད་མིའི་སྐྱབས་གནས་དམ་པ་༧གོང་ས་མཆོག་ལ་སེམས་གཏིང་གི་བརྩི་བཀུར་མངོན་ཆེད་རང་ཉིད་ཀྱིས་དམ་བཅའ་ལེན་པ་མ་ཟད་གཞན་རྣམས་ལ་ཡང་སྐུལ་མ་ཞུ་ཡི་ཡིན། ང་ཚོའི་རེ་བར་དང་བླངས་ཀྱི་ལས་དོན་འདི། བོད་མི་དང་བོད་དོན་རྒྱབ་སྐྱོར་བ་ཚོའི་བོད་དོན་འཐབ་རྩོད་ཆེད་སེམས་ཤུགས་ཀྱི་འབྱུང་ཁུངས་ནི་༧སྐྱབས་མགོན་རིན་པོ་ཆེའི་སྐུ་ཚེའི་མཛད་འཕྲིན་སྙིང་གཏམ་ཞིག་ཡིན་ལ་དེ་ནི་ང་ཚོའི་བོད་ཀྱི་རྩ་དོན་ཆེད་དམ་བཅའ་ཞིག་ཀྱང་ཡིན།

ལོ་ངོ་ལྔ་བཅུ་ལྷག་ཙམ་རིང་༧གོང་ས་༧སྐྱབས་མགོན་ཆེན་པོ་མཆོག་གིས་འཚེ་མེད་ཞི་བའི་ཐབས་ལམ་ལ་དམ་བཅའ་བརྟན་པོར་ཉར་གནང་ནས། འཚེ་བ་སྤངས་ཏེ་བོད་དོན་འཐབ་རྩོད་དེ་ཞི་བའི་བགྲོད་ལམ་སྟེང་འཁྲིད་གནང་བ་མ་ཟད། ལྷག་པར་དུ་སེམས་དཔའ་ཆེན་པོ་གྷན་ངྷི་དང་མར་ཊིན་ལུ་རྡར་ཀིང་ནང་བཞིན། ༧སྐྱབས་མགོན་རིན་པོ་ཆེ་མཆོག་གིས་སྐུ་ངལ་འཛེམས་མེད་ཐོག་འཚེ་མེད་ཞི་བའི་ཐབས་ལམ་གོང་སྤེལ་བཏང་ནས་དཀའ་རྙོག་སེལ་བ་དང་། འཛམ་གླིང་མི་དམངས་ལ་སེམས་ཤུགས་དང་སྤོབས་པ་སྦྱིན་ནས་ལམ་ཁ་གསར་བ་ཞིག་བསྟན་དང་སྟོན་མུས་རེད།

༧སྐྱབས་མགོན་རིན་པོ་ཆེའི་སྐུ་ཚེའི་མཛད་འཕྲིན་གྱི་མིག་དཔེ་རྣམས་གཞིར་བཞག་ཐོག ང་ཚོས་སེམས་དཔའ་ཆེན་པོ་གྷན་ངྷི་དང་མར་ཊིན་ལུ་ཐ་ཀིང་སོགས་ཀྱིས་སྣེ་འཁྲིད་པའི་འཚེ་མེད་ཞི་བའི་འགོག་རྒོལ་གྱི་ལས་འགུལ་ཁག་ལ་སློབ་སྦྱོང་བྱས་མྱོང་། བོད་ཀྱི་གནས་སྟངས་དང་ཕྱོགས་ཡོངས་ནས་གཅིག་མཚུངས་ཤིག་མེད་ན་ཡང་། གཞི་རྩའི་ཞི་བའི་འཐབ་རྩོད་ཀྱི་ཐབས་ལམ་ཁག་ནི་བཙན་གནོན་དང་འགོག་རྒོལ་ཚང་མར་ཤུགས་རྐྱེན་ཐེབས་པ་ལ་བེད་སྤྱོད་གཏོང་ཆོག་པ་ཞིག་ཡིན་པ་ནི་གསལ་བོ་རེད། དེར་བརྟེན། ང་ཚོས་བོད་རིགས་གཞོན་ནུ་སྟོང་ཕྲག་མང་པོ་དང་བོད་དོན་རྒྱབ་སྐྱོར་བ་མང་པོར་ཞི་བའི་འཐབ་རྩོད་སྐོར་གྱི་ཟབ་སྦྱོང་སྤྲད་མུས་ཡིན།

བོད་ཀྱི་ལོ་རྒྱུས་ཀྱི་དཀྱོགས་མཚམས་འདིར། མི་རབས་གསར་བའི་འགོ་འཁྲིད་རྣམས་ཡོང་གི་ཡོད་ཅིང་ཁོང་ཚོས་འཐབ་རྩོད་ཀྱི་སྒྲོན་མེ་མུ་མཐུད་འཁྱེར་གི་རེད་། སྐབས་འདིར་མི་རྣམས་ཀྱིས་མ་འོངས་བའི་བོད་ཀྱི་འཐབ་རྩོད་དེ་ཇི་འདྲ་ཞིག་ཏུ་འགྱུར་རམ་ཞེས་དྲི་བའདོན་སྲིད་མོད་། ང་ཚོས་༧སྐྱབས་མགོན་རིན་པོ་ཆེ་ལ་ཁས་ལེན་དམ་བཅའ་ཞུ་ཐུབ་པ་ཞིག་ནི། ཁོང་གི་འཚེ་མེད་ཞི་བའི་གཟི་བརྗིད་དེ་ང་ཚོས་མུ་མཐུད་དུ་ཉར་རྒྱུའི་ཆོད་སེམས་བརྟན་པོ་ཡོད་། དམ་བཅའ་འདི་བརྒྱུད་ནས། ང་ཚོས་༧སྐྱབས་མགོན་རིན་པོ་ཆེ་ཡིས་སྐུ་ཚེ་གང་བོར་ང་ཚོར་བསྟན་པའི་ནང་པའི་གཞི་རྩའི་བསླབ་བྱ་ཁག་དང་འཇིག་རྟེན་ཀུན་ཁྱབ་ཀྱི་ཡོན་ཏན་ཁག་གཞི་རྩར་བཞག་ནས། བོད་མི་མང་པོའི་སེམས་ཁོངས་སུ་འགྱུར་བ་མེད་ཅིང་འགུལ་མི་ཚུགས་པའི་འཚེ་མེད་ཞི་བའི་ཡིད་ཆེས་དེ་ཡོད་པ་སྟོན་འདོད་། བོད་ལ་རྒྱ་ནག་གི་བཙན་གནོན་འོག་རང་དབང་འཐོབ་པ་དང་རང་དབང་ཅན་གྱི་མ་འོངས་པའི་མང་གཙོའི་བོད་ཞིག་འཛུགས་བསྐྲུན་བྱེད་ཆེད། ང་ཚོས་ནུས་ཤུགས་ལྡན་ཞིང་གསར་གཏོད་རང་བཞིན་ཅན་གྱི་ཞི་བའི་འགོག་རྒོལ་གྱི་སྟོབས་ཤུགས་ལ་ཡིད་ཆེས་བྱེད་ཀྱི་ཡོད།

མཐའ་དོན། ༧སྐྱབས་མགོན་རིན་པོ་ཆེའི་རླབས་ཆེན་གྱི་སྐུ་ཚེ་དང་ཁོང་གི་མཛད་རྗེས་དང་། ལྷག་པར་དུ་། ཁོང་གིས་བོད་དོན་གཅིག་པོ་མ་ཡིན་པར། འགྲོ་མ་མིའི་རིགས་ཀྱི་ཆེད་དུ་གནང་བཞིན་པའི་མཛད་འཕྲིན་མཐའ་དག་ལ་ལག་གཉིས་སྙིང་ཁར་བཞག་ནས་ཐུགས་རྗེ་ཆེ་ཞུ།

བཀྲས་མཐོང་ལྷ་སྒྲོན། བསྟན་འཛིན་བརྩོན་འགྲུས། ཧྤུ་རེ་ཡ་ཕུའུ་ཁྲི།(Freya Putt) བསྟན་འཛིན་སྒྲོལ་དཀར་ཁ་ནག་ཚང་ཆང་མ། རྡོ་རྗེ་ཚེ་བརྟན།ནེ་ཐན་ཧྥུ་རེ་ཁྲ་སུ།(Nathan Freitas) རིག་འབྱུང་དོན་གྲུབ་བཀྲ་ཤིས། བསྟན་འཛིན་ཆོས་སྒྲོན་སྐྱིད་ཀ་ཚང་། བློ་བཟང་རྒྱ་མཚོ་སྲིད་ཐར། བསྟན་འཛིན་ཚེ་ལྷ། བློ་བཟང་ཚེ་བརྟན། བསྟན་འཛིན་ཚེ་བརྟན། བསྟན་འཛིན་རིག་གྲོལ། ཁེ་ཁྲི་བོ་རྫི་ནོ།(Kate Woznow) བུ་ཆུང་ལྡུམ་ར་བསོད་ནམས། བསྟན་འཛིན་རྡོ་རྗེ། དམ་བཅའ་འཇོག་མཁན་ཁག

དམ་བཅའ་འཇོག་མཁན་ཁག

className="font-semibold">བཀྲས་མཐོང་ལྷ་སྒྲོན་ལགས་ནི་བོད་དོན་ལས་འགུལ་བསྟི་གནས་ཁང་གི་འགན་འཛིན་ཡིན། ཁོ་མོར་ “James Lawson Award” ཟེར་བའི་ཞི་བའི་འཐབ་རྩོད་ཀྱི་བྱ་དགའ་གྲགས་ཅན་དེ་ཐོབ། ཁོ་མོ་ཁ་ཎ་སྒྲར་སྐྱེས་ཤིང་ “King’s College” གཙུག་ལག་སློབ་ཆེན་ནས་མཐར་ཕྱིན།

བསྟན་འཛིན་བརྩོན་འགྲུས་ནི་རྒྱ་གར་རྡ་ལམ་ས་ལར་བཞུགས་པའི་རྩོམ་པ་པོ་དང་འཐབ་རྩོད་པ་ཞིག་ཡིན། ཁོང་བོད་ཁྱིམ་དང་ “Madras Christian College” “Bombay University” བཅས་ནས་མཐར་ཕྱིན།

ཧྤུ་རེ་ཡ་ཕུའུ་ཁྲི།(Freya Putt)་ལགས་ནི་བོད་དོན་ལས་འགུལ་བསྟི་གནས་ཁང་གི་འགན་འཛིན་གཞོན་པ་ཡིན། ཁོ་མོར་བོད་དོན་ལས་འགུལ་ལོ་ངོ་བཅོ་ལྔ་ལྷག་གི་ཉམས་མྱོང་ཡོད། ཁོ་མོ་ཀོ་ལིམ་ཕིག་གཙུག་ལག་སློབ་ཆེན་གྱི་ “School of International and Public Affairs” ནས་ཞིབ་འཇུག་སློབ་མཐར་ཕྱིན།

བསྟན་འཛིན་སྒྲོལ་དཀར་ཁ་ནག་ཚང་ཆང་མ་ནི་བོད་རང་བཙན་སློབ་ཕྲུག་ཚོགས་པའི་འགན་འཛིན་ཡིན། རྒྱ་གར་དུ་སྐུ་འཁྲུངས། “Mount Holyoke College” སློབ་ཆེན་ནས་མཐར་ཕྱིན། “National Endowment for Democracy’s “30 Under 30 campaign” ཟེར་བའི་འགོ་འཁྲིད་ལས་གཞིའི་ཁོངས་སུ་ཚུད།

རྡོ་རྗེ་ཚེ་བརྟན་ནི་རྒྱལ་སྤྱིའི་བོད་རང་བཙན་སློབ་ཕྲུག་ཚོགས་པའི་འགན་འཛིན་ཡིན། རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་ཟུར་བ་ཡང་ཡིན། ཁོང་རྒྱ་གར་དུ་སྐུ་འཁྲུངས། “MS University” གཙུག་ལག་སློབ་ཆེན་ནས་མཐར་ཕྱིན།

ནེ་ཐན་ཧྥུ་རེ་ཁྲ་སུ།(Nathan Freitas) བོད་དོན་ལས་འགུལ་བསྟི་གནས་ཁང་གི་འཕྲུལ་རིག་འགན་འཛིན་ཡིན། ཁོང་ནི་ལག་འཁྱེར་ཁ་པར་གྱི་ཆེད་ལས་མཁས་པ་ཞིག་ཀྱང་ཡིན། “Guardian Project” ཡི་ལས་བྱེད་གཙོ་གྲས་དང་ “Harvard’s Berkman Center” ཡི་ཞིབ་འཇུག་པ་ཡང་ཡིན།

རིག་འབྱུང་དོན་གྲུབ་བཀྲ་ཤིས་ནི་སྐར་ཁུང་དྲ་བ་དང་བོད་ཀྱི་དྲ་སྣང་དུས་དེབ་གཉིས་ཀྱི་རྩོམ་སྒྲིག་པ་ཡིན། ཁོང་བོད་དུ་སྐྱེས། བོད་ཁྱིམ་དང་ནོར་ལྦེའི་རྒྱལ་སྤྱིའི་མཉམ་སྦྲེལ་སློབ་གླིང་། ཨ་རིའི་མེ་ཐོ་རྡེས་སི་གཙུག་ལག་སློབ་ཁང་བཅས་ནས་མཐར་ཕྱིན། “Duke Press” ནས་དཔར་བསྐྲུན་བྱེད་ལ་ཉེ་བའི་ “བོད་ཀྱི་ཀློག་པ་པོ་” ཟེར་བའི་དེབ་དེའི་རྩོམ་སྒྲིག་ཚོགས་ཆུང་གི་ཚོགས་མི་ཡིན།

བསྟན་འཛིན་ཆོས་སྒྲོན་སྐྱིད་ཀ་ཚང་ནི་བོད་དོན་ལས་འགུལ་བསྟི་གནས་ཁང་གི་ལས་འཆར་འབྲེལ་མཐུད་པ་ཡིན། རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་ཟུར་བ་ཡང་ཡིན། བོད་ཁྱིམ་དང་ “Delhi University” གཙུག་ལག་སློབ་ཁང་གཉིས་ནས་མཐར་ཕྱིན།

བློ་བཟང་རྒྱ་མཚོ་སྲིད་ཐར་ལགས་ནི་བོད་དོན་ལས་འགུལ་བསྟི་གནས་ཁང་གི་འཕྲུལ་རིག་ཉེན་སྲུང་ལས་གཞིའི་དོ་དམ་པ་ཡིན། ཁོང་ནི་སྐྱབས་བཅོལ་བོད་མིའི་ཁྲོད་ཀྱི་འཕྲུལ་རིག་ཉེན་སྲུང་ཆེད་མཁས་བ་ཞིག་ཀྱང་ཡིན། ཁོང་ནི་ Cyber Stewards Network (CSN) ཟེར་བའི་ཚོགས་མི་ཡང་ཡིན།

བསྟན་འཛིན་ཚེ་ལྷ་ནི་རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་ཡིན། ཁོང་ལ་དྭགས་སུ་སྐུ་འཁྲུངས། ཁོང་ “Pune University” གཙུག་ལག་སློབ་ཆེན་ནས་ཞིབ་འཇུག་སློབ་མཐར་ཕྱིན།

བློ་བཟང་ཚེ་བརྟན་ནི་ “International Tibet Network” ཡི་ཨེ་ཤ་ཡའི་འབྲེལ་མཐུད་པ་ཡིན། ཁོང་བལ་ཡུལ་དུ་སྐུ་འཁྲུངས། “St. Joseph’s College” གཙུག་ལག་སློབ་ཁང་ནས་ཞིབ་འཇུག་མཐར་ཕྱིན།

བསྟན་འཛིན་ཚེ་བརྟན་ནི་གློག་བརྙན་འཁྲབ་ཁྲིད་པ་ཞིག་ཡིན། ཁོང་ལྷོ་ཁོ་རི་ཡའི་ “Korean Academy of Film Arts” གཙུག་ལག་སློབ་ཆེན་ནས་མཐར་ཕྱིན། “Asian American International Film Festival” ནས་ཁོང་ལ “Emerging Director” ཟེར་བའི་གཟེངས་རྟགས་སྤྲད། ཁོང་གིས་ “ཕ་ས་བུ་ཐུག་” ཟེར་བའི་གློག་བརྙན་ཞིག་ཕབ།

བསྟན་འཛིན་རིག་གྲོལ་ནི་བོད་ཀྱི་མིང་དུ་གྲགས་པའི་དེང་རབས་སྒྱུ་རྩལ་བ་ཞིག་ཡིན། ཁོང་གི་ལས་ཀ་དག་ནི་ཚོན་བྲིས་དང་འཇིམ་བཟོ། རི་མོ། གོས་ཆེན་གྱི་ཐང་ཀ་སྦྱར་བ། བརྙན་ཕབ། ས་གནས་ངེས་ཅན་ཏུ་སྒྱུ་རྩལ་གྱི་སྟེགས་བུ་བསྐྲུན་པ་བཅས་ལག་ཤེས་སྣ་མང་གི་ཁོངས་སུ་ཚུད་ཡོད་། སྤྱི་ལོ་༢༠༡༡ལོར་ཁོང་གིས་ “ང་ཚོའི་ས་ཆ། ང་ཚོའི་མི་མང་” ཟེར་བའི་ས་ཡི་སྒྱུ་རྩལ་གྱི་སྟེགས་བུ་ཞིག་རྒྱ་གར་རྡ་ལམ་ས་ལར་བསྐྲུན།

ཁེ་ཁྲི་བོ་རྫི་ནོ།(Kate Woznow) བོད་དོན་ལས་འགུལ་ཁང་གི་ལས་བྱེད་ཡིན། བོད་རང་བཙན་སློབ་པྲུག་ཚོགས་པའི་འགན་འཛིན་གཞོན་པ་ཟུར་བ་ཡང་ཡིན། University of British གཙུག་ལས་སློབ་ཆེན་ནས་མཐར་ཕྱིན། བོད་དོན་ལས་འགུལ་ཀྱི་ཐབས་ཇུས་ལས་གཞིའི་ཐད་ལ་ལོ་ངོ་ཉི་ཤུ་ལྷག་གི་ཉམས་མྱོང་ལྡན།

བུ་ཆུང་ལྡུམ་ར་བསོད་ནམས་ནི་རྩོམ་པ་པོ་དང་སྙན་ངག་པ་ཞིག་ཡིན། བོད་ལ་སྐུ་འཁྲུངས། བོད་ཁྱིམ་དང་St. Xavier College, University of Baroda, Emerson College བཅས་ནས་མཐར་ཕྱིན། ད་ལྟ་རྡ་ལམ་ས་ལར་བཞུགས།

བསྟན་རྡོར་ནི་རྒྱལ་སྤྱིའི་བོད་རང་བཙན་སློབ་ཕྲུག་ཚོགས་པའི་འགན་འཛིན་ཟུར་བ་ཡིན། ཁོང་བོད་ཁྱིམ་དང་ Brown University, Columbia University བཅས་ནས་སློབ་མཐར་ཕྱིན།